Уважаемые коллеги!
Ытыктабыллаах бииргэ үлэлиир дьоммут!
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
Примите самые теплые поздравления с национальным праздником ыһыах! ☀
Ийэ-сиргэ үрүҥ тунах ыһыаҕы ыһар маанылаах күммүт үүммүтүнэн истиҥник эҕэрдэлиибит!
Ыһыах – это праздник встречи лета, нового годового исчисления у народа саха. Это время обновления, наступают самые долгожданные жаркие летние дни.
Ыһыах – саймаархай сайыммыт саамай күүтүүлээх, сырдык түгэнэ.
Желаем всем благополучия, изобилия в жизни, счастья и крепкого здоровья!
Улуу тунах ыһыах бука барыгытыгар кэскиллээх, дьоһун-мааны олоҕу, чөл туругу тосхойдун!
Ыһыах алгыһа 🙌🏻
Үрүҥ күммүт анныгар,
Үүт тураан олохпут,
Үгүөрү үтүөнү аҕаларыгар.
Үрүҥ Тунах ыһыахпытын
Нөрүөн нөрүйэн туран,
Саҕалаан эрэбит.
Алгыс баһа сыаланнын диэн ,
Арчылаатар ханнык диэн,
Айах тутан аһатан эрэбит.
Саха буоламмыт,
Саламаатынан маанылаан,
Саамал кымыһынан күндүлээн,
Арыылаах алаадьынан,
Айах тутаммыт,
Алҕаан тураммыт,
Аһаттахпыт буолуохтун!!
Үрүҥ Аар Тойоммут,
Үҥэр таҥарабыт,
Ыһыах ыһар кэмҥэ ,
Чугас буолбуккар,
Чороонноох кымыһы уунан,
Күндүлээн туран,
Көрдөстөхпүт буолуохтун.
Өбүгэ саҕаттан,
Өлбөөдүйбэт үгэспитин,
Үйэтитэн тураммыт,
Омукпут таҥаһын кэтэн,
Бары мустаммыт,
Төбүрүөннээн тураммыт,
Сүһүөхтээх бэйэбит сүгүрүйэн эрэбит.
Быйылгы ыһыахпыт эмиэ,
Быйаҥ олоҕу билгэлээтин!
Кэнчээри ыччаппыт,
Чэчирии сайыннын.
Чөллөрүүн салгынынан тыынан,
Чөл куттаах буолуоҕуҥ.
Чэгиэн кут тулалаатын!
Илинтэн идэмэрдээх иэдээн,
Иэнигийэн, илгийээри гыннаҕына,
Иэйэхсиппит арчылаатын!
Аллараттан алдьархай,
Аргыйаары гыннаҕына,
Аан Алахчын көмүскээтин!
Ыкса ыаллыы мустан,
Ыһыах ыһаммыт,
Ыраах,чугас улуустар.
Ыраас куту иҥэрэммит,
Ыра санаабыт туолуохтун!
Оһуохайдаан туойаммыт,
Инники олохпутун анааран,
Үтүө өттүн ,
Үмүрүтэ тутан,
Мөкү өрүтүн атааран,
Этэн тыынан биэриэҕиҥ.
Сахалар биһиги,
Сайа охсор салгыҥҥа,
Санаабытын этэммит,
Оһуохайдаан чэпчиибит.
Олохпут көнөрүн түстүүбүт.
Ыһыах ыһан ыраастанабыт,
Мөкү өрүтү үтэйэн,
Үтүө өрүтү ыраланабыт.
*Ородьумаан*
АО «Якутская птицефабрика»
